SOMMAIRE

                  
                  § Laisse 26
                  
                  « Sire, » dist Guenes, « dunez mei le cungied;
                  Quant aler dei, n'i ai plus que targer. »
                  Ço dist li reis : « Al Jhesu e al mien ! »
340.           De sa main destre l'ad asols e seignet,
                  Puis li livrat le bastun e le bref.
                  
                  § Laisse 27
                  
                  Guenes li quens s'en vait a sun ostel,
                  De guarnemenz se prent a cunreer,
                  De ses meillors que il pout recuvrer :
345.           Esperuns d'or ad en ses piez fermez,
                  Ceint Murglies, s'espee, a sun costed;
                  En Tachebrun, sun destrer est munted;
                  L'estreu li tint sun uncle Guinemer.
                  La veïsez tant chevaler plorer,
350.           Ki tuit li dient « Tant mare fustes, ber !
                  En (la) cort al rei mult i avez ested,
                  Noble vassal vos i solt hom clamer.
                  Ki ço jugat, que doüsez aler
                  Par Charlemagne n'er(cs) guariz ne tensez.
355.           Li quens Rollant nel se doüst penser,
                  Que estrait estes de mult grant parented. »
                  Enpres li dient : « Sire, car nos menez ! »
                  Ço respunt Guenes : « Ne placet Damnedeu !
                  Mielz est que sul moerge que tant bon chevaler.
360.           En dulce France, seignurs, vos en irez :
                  De meie part ma muiller saluez,
                  E Pinabel, mun ami e mun per,
                  E Baldewin, mun filz que vos savez,
                  E lui aidez e pur seignur le tenez. »
365.           Entret en sa veie, si s'est achiminez. aoi.
                  
                  

Un pacte de trahison

                  
                  § Laisse 26
                  
                  « Sire, dit Ganelon, permettez que je parte.
                  Si je dois m'en aller, rien ne sert de tarder. »
                  Le roi a dit : « Au nom de Jésus et au mien ! »
340.           De sa main droite il l'a absout et l'a signé,
                  Puis il lui a donné le bâton et la lettre.
                  
                  § Laisse 27
                  
                  Le Comte Ganelon s'en revient à son camp,
                  Le voilà qui commence son équipement,
                  Il prend tout le meilleur de ce qu'il peut trouver.
345.           À ses pied il a mis des éperons dorés,
                  À son côté il pend Murgleis, sa bonne épée,
                  Il est monté sur Tachebrun son destrier;
                  Son oncle Guinemer lui tenait l'étrier;
                  Et tant de chevaliers vous auriez vu pleurer !
350.           Tous lui disaient : « Quel malheur c'est, pour vous, baron !
                  Vous êtes demeuré à la cour bien longtemps,
                  Vous y étiez tenu en la plus haute estime.
                  Celui qui a tout fait pour qu'on vous y envoie,
                  Ni Charles, ni personne, ne le défendra,
355.           Et Roland à cela n'aurait pas dû penser,
                  Car vous êtes issu d'une haute lignée. »
                  Ils ajoutent ceci : « Sire, emmenez-nous donc ! »
                  Mais Ganelon répond : « Qu'au Seigneur Dieu ne plaise !
                  Que je meure vaut mieux que tant de chevaliers.
360.           Seigneurs, vous reviendrez jusqu'à la douce France :
                  Vous irez saluer ma femme de ma part,
                  Et Pinabel aussi, mon ami et mon pair,
                  Baudouin mon fils, celui que vous connaissez bien;
                  Aidez-le, et sachez qu'il est votre seigneur. »
365.           Puis il s'est mis en route - et le voilà parti.
                  
                  

Un pacte de trahison